MED-DER û Laleşê sersal pîroz kirin

 MED-DER û Mala Hunerê ya Laleşê bi bernameyeke xurt sersal pîroz kirin. MED-DER’ê di bernameyê de belgeyên kursa zimanê kurmancî dan qursiyerên xwe

Bernameya sersalê ya Komeleya Lêkolînê ya Çand û Zimanên Mezopotamyayê (MED-DER) û Mala Hunerê ya Laleşê ya ku me duh ragihandibû, li avahiya Mala Hunerê ya Laleşê ya li navçeya Sûrê pêk hat. Gelek şagirt û welatî beşdarî bernameyê bûn.

Bername bi gerandina koma govendê dest pê kir. Di bernameyê de bi beşdarbûna nivîskar Omer Fîdan û nivîskar Nesrîn Şanli panela li ser zimanê kurdî bi mijarên “Wêje û Jin” û “Pratîzekirina ziman a di nav gel û saziyan de” hat lidarxistin. Her wiha MED-DER’ê belgeyên qursa zimanê kurmancî yên ji asta destpêkê heta asta mamostetiyê da qursiyerên xwe.

Di bernameyê de Lîstika “Qirix” a Şanoya Bajêr a Amedê jî hat pêşandan. Bername li ber şahiya kilam û stranên dengbêjan, Koroya Muzîkê ya Laleşê û hunermend Helîmê Omerî bi dawî bû. AMED

Dikarî Biecibînî