Ji bo qursên kurdî yên ÎSMEK’ê eleqeya zêde

Şaredariya Bajarê Mezin a Stenbolê li dersên biyanî yên ku di bin sîwana ÎSMEK’ê de tên dayîn kurdî jî lê zêde kir. Di vê çarçoveyê de ji bo qursên kurdî 70 kontenjan hatin vekirin. Hat zanîn ku di nava 24 saetan de 137 kesan serlêdan kir

Şaredarê Bajarê Mezin a Stenbolê Ekrem Îmamoglu beriya ku bê hilbijartin soz dabû ku ger bê hilbijartin dê qursên zimanê kurdî veke. Piştî 8 mehan ji bo bicihanîna vê sozê gav avêt. Di vê çarçoveyê de zimanê kurdî jî li dersên biyanî yên ku di bin sîwana Qursên Perwerdeya Pîşeyî û Hunerî (ÎSMEK) de tên dayîn hate zêdekirin û ji bo qursên kurdî 70 kontenjan hatin vekirin.

Ji bo vê kontanjanê jî di nava 24 saetan de 137 kesan li ser înternetê serlêdan kir. Dê serlêdan heta 25’ê çileyê bên qebûlkirin. Destpêkê dê ders li dibistanên ÎSMEK’ê yên li Esenyurt, Kiraç, Şîşlî, Bagcilar û Fatîhê bên dayîn. Tê gotin ku ji ber eleqeya zêde dê ÎSMEK li dibistanên din jî qursan bide destpêkirin. Dê dersên destpêkê di navbera 5-6’ê sibatê de bên dayîn.

Ji bo asta A1 qursan bi giştî dê 136 saet bê veqetandin û paşê jî bawername li beşdaran bên belavkirin.

Serokê giştî yê CHP’ê Kemal Kiliçdaroglu ji gotibû ku dê li ÎSMEK’ê qursên kurdî bidin destpêkirin û Şaredariya Stenbolê dê bi kurdî xizmetê bide kesên ku ji bilî kurdî zimanekî din nizanin. STENBOL

Dikarî Biecibînî