Li Hambûrgê belgefîlmên kurdî

Kolektîfa Fîlman a Avakîno û Copenhagen Underground dê li Hambûrgê 4 belgefîlmên kurdî nîşan bide. Pereyê bîlêtên belgefîlman jî dê bigihêje Heyva Sor a Kurd

Ji aliyê Kolektîfa Fîlman a Avakîno û Copenhagen Underground dê li bajarê Hambûrg a Almanyayê 4 belgefîlmên kurdî bên nîşandan. Dahatûya bîlêtên ku bên firotin dê bigihêje Heyva Sor a Kurd.

Bernameya nîşandana fîlman dê di 6’ê sibatê saet di 20:00’an de li Amargî Kultur Treffpunkt ya Hambûrgê pêk were. Navê fîlmên ku bên nîşandan ev in; ‘Belgefîlma derhêner Shukrî Mahmood a bi navê Qijik, belgefîlma derhêner Zanyar Muhammadineko ya bi navê Konsepta Min a ji Bigêl, belgefîlma derhêner Rafiqfuad Yarahmadi ya bi navê Çîroka yên Mayî, belgefîlma derhêner Veysî Altay a bi navê Nû Jin.’

Di van çar filman de tekoşîna kurdan bi perspektîfên cuda tê nîşandan. Her wiha mijara fîlman huner, femînîzm û antîfaşîzm e. Hat ragihandin ku dahatûya bîlêtên ku bê firotin dê bigihêje Heyva Sor a Kurd. Bîlêt bi peretî nîn in û çi ji dilê temaşevanan were dê ewqasî bidin bilêtan. Mijara fîlman wiha ye;

Qijik

Ressamekî êzdî di sala 2014’an de ji ber destê DAIŞ’ê direve lê bi awayekî rojane jiyana wî tê tehdît kirin. Dîsa jî ew dev ji hunera xwe bernade û bi hunera xwe tekoşîna kurdan û çanda herêma xwe resm dike.

Konsepta Min a ji Bigêl

Vîdeoyeke kin der barê xaziyekî kurd yê ku di nav karê xweyê gêlê de aş dibe.

Çîroka yê Mayî

Rojnamegerek dema pêşmergeyên li dijî DAIŞ’ê şer dikin dişopîne dikeve destê DAIŞ’ê. Dû re xwe xelas dike. Belgefîlm dijwariyên serlêdana pênaberiyê, pirsgirêkên malbatên ku bi sînoran ji hev hatine veqetandin û pratîkên neheq ê koçberiyê dike.

Nû Jin

Nû Jin li ser şerê YPJ’iyên li Kobanê yê ku ji bo şoreşê jiyana xwe feda kirine disekine û çîrokên wan ên rojane vedibêje. HAMBÛRG

Dikarî Biecibînî