Qesra Biçûk di bin avê de hiştin

Bi Bendava Ilusuyê re herêma dîrokî ya Heskîfê di bin avê de dimîne. Derket holê ku Qesra Biçûk ku xwedî dîrokekî 900 salan e jî di bin avê de maye

Hikûmeta AKP-MHP’ê ji bo rantê, Heskîf ku xwedî dîrokekî zêdetirî 12 hezar salî ye bi Bendava Ilisuyê di bin avê de dihêle. Dewletê di bin navê ‘parastina qadên dîrokî’ de rêbaza ‘enjeksiyonê’ bi kar anî. Bi vê rêbazê re bi dehan şikeft hatin betonkirin û dora dîwarên kelehê jî bi betonan hatin girtin. Her çiqas rantxwiran gotibûn ku tevdîr hatine girtin jî, derket holê ku Qesra Biçûk a xwedî dîrokekî 900 salan di bin avê de maye.

Qesra Biçûk berhemekî serdema Eyûbiyan bû û temenê wê 900 sal bû. Piştî ku qesr di bin avê de ma, wezareta çandê li derdora qesrê dest bi lêkolînê kir. Çavkaniyan da zanîn ku av ketiye qesrê.

Cihê ku av jê diavêje bi çavan tê dîtin û kar û barên ji bo derxistina ava di qesrê de jî didome. Lê belê nehat hînbûn bê ka vê yekê heta niha ziyanekî çawa daye qesrê. ÊLIH

Dikarî Biecibînî