Pirtûka ‘Dîroka kurdan a kevnar’ derket

 Ji bo ronîkirina dîroka kurdan berhemeke nû derket. Pirtûka nivîskar Ako Mihemed Mîrzadeyî ya bi navê ‘Dîroka kurdan a kevnar’ dîroka kurdan a zêdetirî 6 hezar salan bi belgeyan radixe berçavan

Nivîskar Ako Mihemed Mîrzadeyî ku ji Helebçeyê ye, bi lêkolînên xwe yên li ser dîroka kurdan tê naskirin. Têkildarî dîroka kurdan heta niha li gelek muzexaneyên welatên cîhanê lêkolîn kirine. Nivîskar Mîrzadeyî di encama vê lêkolînê de pirtûka ‘Dîroka kurdan a kevnar’ nivîsand û pirtûk ji Weşanên Sîtavê ya li Wanê derket.

Pirtûka bi zaravayê soranî hatiye nivîsandin û wergêra wê ya zaravayê kurmancî jî ji hêla nivîskar û wergêr Muhsîn Ozdemîr ve hatiye kirin. Pirtûk dîroka 6 hezar salî ya kurdan lêkolîn dike.

Di pirtûkê de ji erdnîgariya kurdan a dabeşkirî bigire heta dîroka wan bi gelek aliyan ve û kevnare radixe ber çavan. Di pirtûka ku ji 605 rûpelan pêk tê de qala hemû neteweyên li Mezopotamyayê, erdnîgariya Mezopotamyayê û kurdan tê kirin.

Ji serdema Medan heta roja me, dîroka kurdan bi berfirehî tê destgirtin. Di pirtûkê de qala serûbinkirin û talankirina dîroka kurdan tê kirin. Dîroka kurdan bi belgeyan radixîne ber çavan. Her wiha têkoşîn û berxwedana jinên kurd a li qadên şer û di nava dîrokê de çawa cihê xwe girtine li pirtûkê hatiye kirin. WAN

Dikarî Biecibînî