Weşanxaneya Aramê 8 pirtûkên nû çap kir

Weşanxaneya Aramê, 8 pirtûkên din ên nû çap kir. Di nava berhemên hatin weşandin de, pirtûka bîranînên Apê Mûsa ku bi taybetî ji bo 100 saliya wî hat amedekirin jî heye

Weşanxaneya Aramê ku heya niha gelek berhemên girîng weşandin, vê carê jî bi weşandina 8 pirtûkên nû derket pêşberê xwînerên xwe. Di nava pirtûkên nû hatin çapkirin de, 5 pirtûkên helbestên kurdî, 2 romanên kurdî û pirtûka bîranên Apê Mûsa ku bi taybetî ji bo 100 saliya wî hatibû amadekirin a bi navê “Apê Mûsê Mûsa Anter di 100 saliya xwe de ye!” cih digirin.

Li ser banga rojnameger Huseyîn Aykol, ligel zarokên Apê Mûsa, gelek nivîskar, helbestvan, ronakbîr, hunermend, siyasetmedar, rojnameger, zimanzan, aktîvîstên jinan, “generalên biçûk” û bi dehan navên tên naskirin bîranên xwe yên bi Apê Mûsra nivîsandin.

Dîsa wê xwînerên pirtûkê, ji pênûsên Tarik Ziya Ekinci, Ahmet Tellî, Ahmet Turk, Murathan Mungan, Eren Keskîn, Fîkret Başkaya, Îsmaîl Beşîkçî, Ayşe Gokkan, Zubeyîr Aydar, Halîl Ergun, Sînemxan Bedirxan, Pervîn Buldan, Mazlum Çîmen, Yilmaz Yakut û gelek kesên din fêrî gelek aliyê Apê Mûsa yên nayên zanîn bibin.

Navê pirtûkên din ên ji Weşanxaneya Aramê hatine çapkirin wiha ne: Ji pênûsa Huseyîn Duman ‘Xeyala Vegerê’; Savaş Amed ‘Agir Bi Berfê Ket’; Abdurrahman Yildirim ‘Raperîna Demsala Min’; Fazil Atan ‘Şûnwarê Bîranînan’; Medya Yaklav ‘Welatê Min’; Cîhan Azad Aydemîr ‘Berbang Bû Piçûkê Min’ û Zeynep Taşgir ‘Demnarîn’. AMED

Dikarî Biecibînî