Tirkiyeyê dersînor kir Holandayê ji kar derxist

Rojnamegera holandayî Ans Boersma ya li Stenbolê dima bi hinceta “ewlehiyê” hat dersînorkirin. Piştî Tirkiyeyê Ans dersînor kir, li Holandayê jî ji kar hat derxistin

Tirkiyeyê rojnamegera holandayî Ans Boersma ya li Tirkiyeyê nûçegihaniya aboriyê ya rojnameya Holandayî Het Financieele Dagblad (FD) dikir dersînor kir.

Li gorî nûçeya BBC’yê rojnamegera demek dirêj bû li Tirkiyeyê dima di 16’ê çileyê de ji bo dema mayîna xwe ya li Tirkiyeyê dirêj bike çû daîreya biyaniyan û hat binçavkirin.  Destûr nedan Boersma ku biçe malê eşyayên xwe jî hilde. Rojnameger Boersma di sibeha 17’ê çileyê de bi balafirê şandin Holandayê.

Rojnameya FD ragihand ku rojnameger Boersma bi hinceta “ewlehiyê” hatiye dersînorkirin. Piştî Tirkiyeyê Ans dersînor kir, Rojnameya Financieele Dagblad (FD) a holandî jî ew ji kar derxist. AMED

Dikarî Biecibînî