Îsraîlê êrîşî Sûriyeyê kir: Herî kêm 11 kes mirin

Îsraîlê êrîşî hêzên rejîma Sûriye û Îranê kir. Di êrîşê de ku li Sûriyeyê pêk hat de herî kêm 11 leşker hatin kuştin

Li gorî Saziya Çavdêriyê ya Mafên Mirovan, Îsraîlê çeperên li herêma Şamê û li bajarê Sûveyda ya li başûrê Sûriyeyê bomberdûman kiriye. Saziyê diyar kir, 2 jê sûriyeyî herî kêm 11 leşker hatine kuştin.

Saziya Çavdêriyê da xuyakirin ku çeperên hêzên rejîmê, Îran û tevgera Hîzbûllahê yên li sektorên Kesva û Cemraya yên nêzî paytextê û çeperên li nav Balafirgeha Navneteweyî ya Şamê bûne hedefa êrîşê.

Tevî vê yekê, depoyeke Îranê û Hîzbûllahê ya li balafirgeheke leşkerî ya li bajarê Sûveydayê hate bombekirin. Midûrê Saziya Çavdêriyê ya Mafên Mirovan Ramî Abdul Rahman ji AFP’ê re axivî û wiha got: “Êrîşa herî dijwar a hewayî ye ku ji gulana 2018’an û vir ve hatiye kirin.” Îsraîlê meha gulanê bi dehan caran êrîşên hewayî kiribûn û 27 leşkerên alîgirên rejîmê, 21 leşkerên biyanî kuştibûn ku 11 ji wan îranî bûn. ŞAM

Dikarî Biecibînî