Rûsya: Peymana Idlibê pêk nayê

Berdevkê Kremlînê Dmitriy Peskov tekildarî Idlibê daxuyaniyeke balkêş da û diyar kir ku peymanên ku ji bo Idlibê bi Tirkiyeyê re îmze kirine pek nayên û ji ber vê rewşê Tirkiye hişyar kir

Gumanên Rûsyayê yên ji bo têkçûna peymana Idlibê ya di navbera wan û Tirkiyeyê de zêde dibin û piştî hefteyekê careke din ji ber piştgiriya wê bi komên çete re Tirkiye hişyar kir. Berdevkê Kremlînê Dmitriy Peskov têkildarî mijarê axivî û diyar kir ku peymanên ku ji bo Idlibê bi Tikriyeyê re îmze kirine pêk nayên. Peskov da zanîn ku ev rewş gumanên wan û rejîma Sûriyeyê yên ji bo Idlibê zêde dike.

Hefteya borî beriya serdana serokkomarê Tirkiyeyê Recep Tayyîp Erdogan a Rûsyayê jî berdevkê Wezarata Karên Derve ya Rûsyayê Mariya Zaharova jî bal kişandibû ser heman rewşê û dabû zanîn ku rewşa Idlibê bi awayekî lez ber bi xerabûnê ve diçe. Piştî vê hişyariyê serdana Erdogan pêk hatibû û bi awayekî destvela ji Rûsyayê vegeriyabû.

Di navbera Rûsya û Tirkiyeyê de di îlona 2018’an de li ser Idlibê peymanek hatibû îmzekirin. Li gorî vê peymanê diviyabû ku Tirkiye komên xwe yên çete ji herêmeke Idlibê vekişandina û herêmê bê çek bikirina. Lê li gel ku bi ser peymanê re çend meh derbas bûn jî hê herêm ji çeteyan nehatiye valakirin û ji herêmê li dijî rejîmê êrîş pêk tên.  MOSKOV

Dikarî Biecibînî