Îran gef li Îsraîlê xwar

Navenda Nûçeyan

 

Alîkarê fermanderê Supay Pasdaran Hisên Selamî têkildarî êrîşên Îsraîlê yên li ser baregehên Îranê yên li Suriyeyê got ger Îsraîl li hemberî Îranê dest bi şerekî bike dê ew şer bibe şerê tunekirina Îsraîlê ya li ser rûyê erdê

Têkildarî êrîşên Îsraîlê yên li ser baregehên Îranê yên li Sûriyeyê, alîkarê Fermanderê Supay Pasdaran Hisên Selamî ji çapemeniya Îranê re axivî. Selamî diyar kir ku ger Îsraîl li hemberî Îranê dest bi şerekî nû bike bêguman dê ew şer bibe şerê tunekirina Îsraîlê ya li ser rûyê cîhanê û wiha got: “Dê îsraîlî ji bo miriyên xwe li ser xaka Filistînê santîmetreyek xak peyda nekin.”

Ev gotinên Selamî cihekî berfireh di çapemeniya cîhanê de girt. Ev gotinên Selamî piştî wê yekê hatin ku di rojên borî de Wezîrê Karên Derve yê Îranê Mihemed Cewad Zerîfî gotibû; “Me tu deman negotiye em ê Îsraîlê ji holê rakin. Tenê kesek nîşan bidin ku wisa gotibe. Kesek gotinek wisan nekiriye.”

Dikarî Biecibînî