aram

Li Efganistanê lehî rabû herî kêm 20 kes mirin

Li Eyaleta Kandaharê ya Efganistanê lehî rabû. Li gorî OCHA’yê di encama lehiyê de herî kêm 20 welatiyan jiyana xwe ji dest daye

Li Eyaleta Kandahar a Efganistanê ji ber barana zêde lehî rabû. Buroya Koordînasyona Karên Mirovî ya Neteweyên Yekbûyî (OCHA) da zanîn ku ji ber baranê li hin navçeyên eyaleta Kandaharê lehî rabûye. Der barê mijarê de rayedarên xwecihî agahî dan û destnîşan kir ku barana herî zêde ya 30 salên dawî li herêmê bariya ye.

Li gorî OCHA’yê di encama lehiyê de herî kêm 20 kesan jiyana xwe ji dest dane û 10 kes jî winda ne. Di daxuyaniya nivîskî ya OCHA’yê de hate gotin ku bajarê Kandaharê jî di nav de, li navçeyên wê xisar li nêzî 2 hezar avahiyan bû û binesaziya herêmê zirarekê giran dît.

Alîkarê Waliyê Kandaharê Abdul Hananan Muneb jî der barê mijarê de axivî û got ku lehiya li herêmê rabûye, mezintirîn lehiya salên dawî ye. KANDAHAR

Dikarî Biecibînî