aram

Ji Îranê gefa nukleerî

Wezîrê karê derve yê Îranê Muhemed Cewad Zerîf da xuyakirin ku ew dê gaveke sêyemîn biavêjin ji bo dûrketa xwe ya ji peymana nuklerî ya di sala 2015 an de bi hêzên navnetewî re hatibû imzekirin.

Wekî tê zanîn ev daxuyaniya Zerîf piştî demeke kurt ji daxuyaniya Amerîkayê hate kirin ku tê de navê Mihemed Cewad Zerîf jî xistibû lîsteya ambargoyên xwe. Li gorî Waşingtonê ev gava li dijî Zerîf wekî bersivekê di encama xebatên wî yên ku Rojhilata Navîn tevlihev dikin de, hatiye kirin.

Zerîf di daxuyaniyê de got ku madem welatên din li gorî wê peymanê tevnagerin em jî dê dest bi gevake din a dûrketina ji wê peymanê bikin.

Li hemberî zextên Amerîkayê yên ku dixwaze bi Îranê re peymaneke nû ya ji bo nukleerê çêbike Îranê jî beriya demekê bersivek tund dabû Amerîkayê û dabû xuyakirin ku vekişîna wan ji peymana nukleerî dê rê bide Îranê rêjeya xwe ya uranyumê zêde bike.

Her wiha Îranê gef li welatên ku tevli wê peymana nukleerî bûne kir ku heke ew li gorî peymanê tevnegerin, Îranê dê di nava 60 rojan de dest bi avêtina gavên din ên dûrketina ji peymanê bike. TEHRAN

Dikarî Biecibînî