Di şeş mehan de 300 hezar penaber çûn YE’yê

Di 6 mehên pêşîn ên 2019’an de hejmara penaberên ku berê xwe dane Yekitiya Ewropayê ji sedî 10 zêde bûne

Di 6 mehên pêşîn ên 2019’an de hejmara penaberên ku berê xwe dane Yekitiya Ewropyaê (NY) li gorî sala borî ji sedî 10 zede bûne û bi ser 300 hezaran ket. Li gorî daneyên ajansa îltîcayê ya EASO’yê ji çileya 2019’an heta hezîranê 305 hezar kesan serlêdana îltîcayê kirine. Ev hejmar li gorî sala 2018’an ji sedî 10 zêde bûye.

Di sala 2018’an de 586 hezar, di sala 2017’an de 655 hezar, di sala 2016’an de milyonek û 206 hezar û di sala 2015’an de jî milyonek û 257 hezar kesan serlêdana penaberiyê kiribûn. Wekî salên borî serlêdan herî zêde li Almanyayê hate kirin.

YE’yê girîngiyê dide vî tiştî ku penaberan qeyd bikin ji ber ku bi awayekî îllegal gelek penaber li welatên Ewropayê dijîn. Rêjeya qebûlkirina penabertiyê jî di navbera ji sedî 30 û 50’î de ye. Ango ji du sê kesên ku serî lêdanê tenê kesek penabertiya wî qebûl dibe.

Li gorî nûçeyeke rojnameya Dîe Welt a Almanyayê ji meha çileyê heta meha hezîranê bi giştî 100 hezar û 233 kes ji bo penabertiyê serî li Almanyayê dane û rêjeya kesên penabertiya wan hatine qebûlkirin jî ji sedî 24 e.

Li gorî biryareke YE’yê ya di sala 2015’an de penaberên ku diçûn Îtalya û Yewnanistanê dê li welatên din bihatina parvekirin. Lê Komara Çekê, Macaristan, Polonya û Slovakya li dijî kotaya penaberan derketibûn. Ji bo betalkirina kotaya penaberan Macaristan û Slovakyayê li Dîwana Edaletê ya Ewropayê doz vekiribûn lê doza wan nehatibû qebûlkirin. BRUKSEL 

Dikarî Biecibînî