McGurk ji bo qetilkirina Hewrîn Xelef got: Ev sûcê şer e

Navenda Nûçeyan

Rojnameya Yenî Şafakê dîmenên qetilkirina sekretera Partiya Pêşerojê ya Sûriyeyê Hewrîn Xelef parve kir û got; ‘Bi opeasyoneke serkeftî hate bêbandorkirin.’ Brett McGurk jî nûçeya Yenî Şafakê parve kir û got: ‘Ev rojnameye ji bo jineka bêçek ku li Sûriyeyê ji bo gelan dixebite gotina ‘bêbandorkirin’ bi kar tîne. Ev sûc e şer e.”

Hevseroka Partiya Pêşerojê ya Sûriyeyê Hewrîn Xelef dema ku dixwest derbasî Girê Spî bibe, rêya wê ji hêla komeke çete ve hate girtin û bi hovane hate qetilkirin. Dîmenên vê hovîtiyê jî ji hêla nûçegihana BBC’yê Rîam Dalatî ve hatin parvekirin. Dalatî da zanîn ku Xelef ji hêla komên çete ên girêdayî dewleta tirk ve hatiye qetilkirin.

Di heman demê de rojnameya Yenî Şafakê ku weke rojnameyeke alîgirê AKP’ê tê zanîn wêneyên Xelef parve kirin û wiha got: “Sekretera Partiya Pêşerojê ya Sûriyeyê ku girêdayî PYD’ê yê Hevin Halef, di encama operasyoneke serkeftî de hate bêbandorkirin.”

Nûnerê Taybet ê DYA’yê yê Têkoşîna Li Dijî DAIŞ’ê Brett McGurk jî nûçeya rojnameya Yenî Şafakê parve kir û wiha got: “Ev rojnameye ‘bêbandorkirina’ jineka 35 salî ya bêçek ku li Sûriyeyê ji bo gelan dixebitiya weke ‘Operasyoneke serkeftî’ radigihîne. Hat zanîn ku Hevrîn Khalef bi wesayîtekê ve hatiye kaşkirin û bi guleyan hatiye qetilkirin. Ev yek şerê sûc e.”

Dikarî Biecibînî