Greva li Fransayê didome, di veguhêziyê de kaos heye!

Li Fransayê li hemberî reforma teqawitbûnê di 5’ê Kanûnê de greveke dîrokî hatibû destpêkirin û grev hê jî didome. Roja Duşemê di destê sibehê de li Parîsê bi qasî 600 kîlometreyan wesayît li pey hev rêz bûn

Greva li Parîsê di roja pêncan de didome. Di veguhêziyê de kaoseke mezin heye.

Di roja pêşîn de qadên wekî perwerdehî, darizandin, polîs, îtfaîye, berhevkirina çopê, rafînerî, saziyên enerjiyê û veguhêziya hewayî jî di nav de gelek sektor tevlî grevê bûbûn. Li gorî sendîkayan 1,5 milyon kes daketine qadan û reforma teqawitbûnê protesto kirine.

Vê Duşemê jî li Parîsê 10 xetên metroya Parîsê girtî man. Nîvê tramvay û otobusan nexebitîn. Saziya trênan a neteweyî jî bi tenê 15-20 ji sedê wê dixebite. Ji ber greva di veguhêziyê de li herêma Parîsê bi qasî 622 kîlometre trafîk çêbû.Ji nav 25 navendên otobusan 7 jê ji aliyê xwepêşanderan ve hatin blokekirin.

Sendîkayan roja Înê diyar kiribûn ku wê di 10’ê Kanûnê de dîsa dest bi grevê bikin û dakevin kolanan.

Tê payîn ku Serokwezîr Edoûard Phîlîppe roja Çarşemê derbarê teqawitbûnê projeya hikumetê eşkere bike.

Sekreterê Giştî yê Têkoşîna Karkeran (FO) Yves Veyrîer ji rojnameya Le Fîgaro re axivî û diyar kir heta ku reform were vekişandin wê çalakiyên xwe bidomînin.PARÎS

Dikarî Biecibînî