Di şewata Awustralyayê de zêdetirî nîv milyon heywan mirin

Pisporên Zanîngeha Sydneyê diyar kirin ku ji destpêka şewata li Awustralyayê heta niha zêdetirî 500 hezar heywan şewitîne û tê payîn ku ev hejmar hêj gelek zêdetir bibe

Ev demeke li agir bi daristanên Awustralyayê ketiye. Ji ber şewata daristanê bi milyonan dar şewitîn, bi dehhezaran welatî koçber bûn û zêdetirî nîv milyon heywan mirin. Ji ber şewata daristanan tê payin ku gelek bajar werin valakirin. Li gorî texmînan dê germahî di roja şemiyê de jî gelek zêde bibe.

Ji meha îlonê û heta niha 18 kesan ji ber şewatê jiyana xwe ji dest dan. Li gorî nûçeyeke malpera News.com’ê, pisporên Zanîngeha Sydneyê diyar kirin ku ji destpêka şewatê û heta niha 500 hezar heywan mirine. Hat ragihandin ku herî zêde jî koala şewitîne. Ji ber ku hêdî tevdigerin nikarin xwe ji şewatê biparêzin.

Li Gallera Başûr 28 hezar koala hene û ji sedî 30’ê jîngeha koalayan şewitî ye. Tê diyarkirin ku 8 hezar koala di şewatê de mirine. Hat ragihandin ku bîlançoya mirina heywanan dê girantir bibe. SYDNEY

Dikarî Biecibînî