Îranê bersiv da gefên Trump

Serokê Fermandariya Giştî ya Îranê Muhammed Bakirî bersiv da gefên Trump ku di got; ‘Ger Îran êrîş bike dê li 52 noqteyên wan bixin.’ Bakirî DYA weke ‘newêrek’ pênase kir û got; ‘DYA newêreke ku bi Tehranê re bikeve nava şer.’

Serokê DYA’yê Donald Trump têkildarî gefên Îranê yên ji bo tolhildanê, li ser hesabê xwe ya twîtterê peyamek parve kiribû. Di peyama xwe de Trump gotibû ku ger Îran careke din êrîş bike, dê li 52 hedefên wan bixin. Di heman demê de Trump diyar kiribû ku di nav noqteyên ku dê lê bixin de herêmên çandî jî hene.

Li ser van gefên Trump, serokê Fermandariya Giştî ya Îranê Muhammed Bakirî jî daxuyaniyek parve kir. Bakirî wiha got: “DYA newêreke ku bi Tehranê re bikeve nava şer.”

Wezîrê Enformasyon û Telekomunîkasyonê yê Îranê Muhammed Cevad Azerî Cahromî jî li ser twîtterê peyamek weşand û wiha bersiv da gotinên Trump: “Mîna DAIŞ’ê, mîna Hîtler, mîna Cengîz. Hemû ji çandê aciz in. Trump terorîsteke ku qat li xwe kiriye. Dê di demeke kurt de hîn bibe kes nikare netewe û çanda Îranê ya mezin têk bibe.” TEHRAN

Dikarî Biecibînî