Li Afrîkayê 45 milyon kes di bin xetereya birçîbûnê de ne

Navenda Nûçeyan

Neteweyên Yekbûyî diyar kir ku li welatên Afrîkayê 45 milyon kes di bin xetereya birçîbûnê de ne

Bernameya Xurekan a Cîhanê (PAM) ya girêdayî Neteweyên Yekbûyî diyar kir ku li Afrîkaya Başûr bi milyonan kes di bin xetereya birçîbûnê de ne.

Berpirsa herêmî yê PAM’ê Lola Castro got ku krîza birçîbûnê hatiye asteke bilind û li gorî çavdêriyên wan dê rewşa li qadê girantir bibe.

Ev serê pênc salan e ku baraneke baş li Afrîkaya Başûr nabare û ev tişt bandora xwe li ser 16 welatan dike.

Ji ber germaniya global bahozên giran radibin. Sala borî ji ber bahoza Îdaî ya tropîkal bi hezaran kes miribûn.

Bernameya PAM’ê ev e ku di sala 2020’an de alîkariyê bide 8,3 milyon kesên li Zîmbabwe, Zambiya, Mozambîk, Namîbya, Lesotho, Eswatînî û Malawiyê.

NY’yê bang li welatan kir ku ji bo projeyên alîkariya lezgîn pêdiviya wan bi 489 milyon dolaran heye lê di destê wan de 205 milyon dolar heye.

Dikarî Biecibînî