Hejmara kesên ji ber Covîd-19’ê mirin derket 27 hezar û 367 kesan

Hejmara kesên li ji ber vîrûsa koronayê jiyana xwe ji dest dan derket 27 hezar û 367 kesan. Her wiha zêdetirî 597 hezar û 407 kes jî bi vê şewbê ketine

Navenda Nûçeyan |

Vîrûsa koronayê (Covîd-19) her ku diçe bêhtir li cîhanê belav dibe û encamên giran bi xwe re tîne. Li gorî daneyên fermî heta niha li seranserî cîhanê 597 hezar û 407 kes bi vîrûsa koronayê ketine û herî kêm 27 hezar û 367 kesan jî jiyana xwe ji dest dane.

Yek ji welatên ku herî zêde bîlançoya Covîd-19’ê lê giran dibe jî Îtalya ye. Li Îtalyayê heta niha 9 hezar û 134 kesan jiyana xwe ji dest daye. Piştî Îtalyayê welatê herî zêde mirovan jiyana xwe lê ji dest daye Spanya ye. Li vî welatî jî hejmara kesên jiyana xwe ji dest dane bûye 5 hezar û 138 kes.

Li çend welatên din hejmara kesên jiyana xwe ji dest dane wiha ne:

Çîn: 3 hezar û 295

Îran: 2 hezar û 378

Fransa: Hezar û 995

Amerîka: Hezar û 701

Ingilistan: 759

Hollanda: 546

Almanya: 351

Belçîka: 289

Hejmara kesên ku ji virûsê hatine xilaskirin jî derket 133 hezar û 373 kesan.

Hat zanîn ku li Dewletên Yekbûyî yên Amerîkayê (DYA) di 24 saetên dawî de hejmara kesên bi şewba koronayê ketin ji 85 hezar û 604 kesan derket 104 hezar û 205’an. Piştî DYA’yê hejmara herî zêde ya kesên bi koronayê ketin Îtalya, Çîn û Spanya ye. Li Îtalyayê 86 hezar û 497 kes, li Çînê 81 hezar û 394 kes û li Spanyayê jî 65 hezar û 719 kes bi koronayê ketine.

Dikarî Biecibînî