NY’ê ji bo Sûriyeyê banga lezgîn kir

Komîsyona Lêkolînê ya Sûriyeyê ya Serbixwe ya NY’yê bang li hemû aliyên şer ên li Sûriyeyê kir ku li gorî agirbesta NY’yê tevbigerin û ji bo pêşîlêgirtina karesata vîrûsa koronayê di zûtirin dem de bikevin nava liv û tevgerê

Komîsyona Lêkolînê ya Sûriyeyê ya Serbixwe ya Neteweyên Yekbûyî (NY) bal kişand ser pandemiya vîrûsa koronayê (Covîd-19) û bang li civaka navneteweyî kir ku ji bo Sûriyeyê gavên lezgîn biavêjin.

Di daxuyaniyê de hate diyarkirin ku ji bo pêşî li bobeletan were girtin divê şer were sekinandin. Di daxuyaniyê de hat destnîşankirin ku li Sûriyeyê nîvê nexweşxaneyan dixebitin û ji sedî 70 xebatkarên tenduristiyê jî ji ber şer welat terikandin û gelek caran êrîşî xebatkarên tenduristiyê hatiye kirin.

‘Biryara HSD’ê, biryareke di cih de ye’

Seroka Komîsyonê Paûlo Pînheîro diyar kir ku ji bo pêşîlêgirtina trajediyê divê aliyên şer li gorî banga agirbesta Sekreterê Giştî yê NY’ê tevbigerin. Di daxuyaniyê de hate gotin ku biryara Hêzên Sûriyeya Demokratîk (HSD) a agirbestê, biryareke di cih de ye.

Bang li aliyên şer kir

Her wiha di daxuyaniyê de hat diyarkirin ku divê girtiyên zarok, kal, pîr û kesên astengdar werin berdan. Daxuyanî wiha bi dawî bû: “Divê hikûmeta Sûriyeyê û hemû aktorên li Sûriyeyê û civaka navneteweyî ji bo pêşîlêgirtina trajediyê bi lezgînî tevbigerin û pêdivî bi planeke lezgîn heye.” CENEVRE

Dikarî Biecibînî