Bîlançoya dawî ya koronayê: 184 hezar û 640 kes bi şewbê mirin

Li gorî daneyên fermî yên dawî, heta niha li seranserî cîhanê 2 milyon û 650 kes bi şewba koronayê ketine û ji van 184 hezar û 640 kes mirine

Navenda Nûçeyan |

Zanîngeha Johns Hopkînsê da zanîn ku li gelemperiya cîhanê li gorî saeta Ewropayê saet 15:00’an û şûnde, nêzî 2 milyon û 650 kes bi şewba koronayê ketine. Zanîngehê destnîşan kir ku ji vanan 184 hezar û 640 kes jî mirine. Lê ji ber ku test bi sînordar tên kirin, tê texmînkirin ku hejmara kesên bi şewbê ketine û ji ber wê mirin hîn zêdetir e.

Yek ji parzemîna ku şewb herî zêde lê belav bûye, Ewropa ye. Li gorî daneyên fermî, ji saet 07:00’ê heta niha li Ewropayê milyonek û 276 hezar û 161 kes bi şewbê ketine û ji van jî 113 hezar û 855 kes jî pê mirine. Di rêza duyemîn de jî DYA û Kanada tên. Li gorî daneyan, 882 hezar û 814 kes bi şewbê ketine û ji van 48 hezar û 859 kes jê pê mirine. Li Asyayê jî 183 hezar û 737 kes bi şewbê ketine û ji van 7 hezar û 495 kes jî pê mirine. Li Amerîkaya Latîn û Karayîpan jî 122 hezar û 630 kes bi şewbê ketine û ji van 6 hezar û 166 kes jî mirine. Li Rojhilata Navîn jî 138 hezar û 672 kes pê ketine, 5 hezar û 992 kes jî mirine. Li Efrîqayê 25 hezar û 796 kes pê ketine û ji van hezar û 243 kes jê mirine. Li Okyanûsyayê jî 7 hezar û 943 kes pê ketine û heta niha 97 kes bi şewba koronayê mirine.

Bîlançoya çend welatiyan wiha ye:

* DYA: 843 hezar û 624 kes bi şewbê ketine û ji van 46 hezar û 785 kes mirine.

* ÎTALYA: 187 hezar û 327 kes pê ketine, 28 hezar û 85 kes jê mirine.

* SPANYA: 213 hezar û 24 kes bi şewbê ketine û 22 hezar û 157 kes mirine.

* FRANSA: 155 hezar û 860 kes pê ketine û ji van 21 hezar û 340 kes mirine.

* INGILISTAN: 133 hezar û 495 kes bi şewbê ketine û heta niha 18 hezar û 100 kes mirine.

* TIRKIYE: Li gorî daneyên Zanîngeha Johns Hopkînsê, Tirkiye di hejmara kesên bi şewbê ketin de di rêza 7’emîn de ye. Li gorî daneyên duh, li Tirkiyeyê 2 hezar û 376 kes mirine û 98 hezar û 674 kes jî bi şewbê ketine.

* ÇÎN: Li gorî daneyên fermî yên Çînê 83 hezar û 978 kes bi şewbê ketine û 4 hezar û 632 jî mirine. Lê The Lancet ku kovarekî akademiye encama lêkolînekê parve kir û diyar kir ku hejmara rast çar qatê ku daneyên Çînê parvekiriye.

* ÎRAN: Li Îranê li gorî daneyên fermî 87 hezar û 26 kes bi şewbê ketine û 5 hezar û 481 kes jî mirine. Lê li gorî çavkaniyên muxalîfan, herî kêm 33 hezar û 800 kes mirine.”

Midûrê Giştî yê Rêxistina Tenduristiyê ya Cîhanê (WHO) Tedros Adhanom Ghebreyesûs têkildarî mijarê wiha got: “Em xwe nexapînin; hê jî rêyek dûr û dirêj li pêşiya me heye ku derbas bikin. Wê demek dirêj ev vîrûs li gel me bimîne.”

Dikarî Biecibînî