Antartîka zûtir dihele!

Zanyaran ragihand, qeşaya Antartîkayê ku weke Parzemîna Spî tê zanîn, zû dihele. Li gorî van daneyan qeşaya Antartîkayê 6 caran li gorî 40 sal beriya niha zûtir dihele. Ev dane mirovan dixe nav fikaran

Li gorî raporeke ku ji hêla Akamdemiya Zanistan a Amerîkayê ve li ser helîna qeşaya Antartîkayê hate amadekirin, qeşaya Antartîkayê zûtir dihele û ava okyanûsan di navbeyna salên 1979 û 2017’an, bi rêjeya 1.4’î bilind bibe.

Zanyarê Zanîngeha Kaliforniyayê Eric Rignot diyar kir ku helîna bi vê lezê, wê rê li ber bilindbûna avê veke û ev jî bibe sedema bobelatên xwezayê. Rignot wiha got: “Qeşaya Antartîkayê ku dihele wê sedsalên li pêşiya me rêjeya okyanûsan bi metreyan bilind bike.”

Li gorî lêkolînên dawîn rêjeya okyanûsê heta sala 2100’î wê 1,8 metreyî bilind bibe. Wê ev jî rê li ber veke ku deverên li ber peravan ku bi mîlyonan mirov lê niştecih in, di bin avê de bimînin. AMED

Dikarî Biecibînî