Mirov salê bi deh hezaran mîkro-plastîk diqurpîne

Li gorî lêkolîneke zanyarên kanadayî mirov her sal bi deh hezaran parçeyên plastîk ên mîkro diqurpînin

Li gorî lêkolîneke di kovara Environmental Science and Technology de, ji amûrên lastîkî bigirin heta bi kincên sentetîk, gelek parçeyên lastîkan ku ji berheman tên li ser tendiristiya mirov talûke ne.

Li ser hînbûnên mezaxtinê yên giştî yên ku li Dewletên Yekbûyî yên Amerîkayê (DYA) dijîn lêkolînek hate kirin û hate gotin, her sal bi  giştî 52 hezar parçeyên plastîkê têne qurpandin. Dema mirov faktorên girîng ên mîna hewaya qirêjî lê zêde dibe ev digihije heta bi 121 hezar parçeyan.

Di lêkolînê vexwarina avê ya ji şûşeyên plastîkî jî hate destnîşankirin û hate gotin ku dema mirov avê ji van şûşeyan vedixwe, salê 90 hezar parçeyên din ên plastîkî jî diqurpîne.

Di lêkolînê de nehatiye diyarkirin bê ka ev parçeyên plastîkî yên ku têne qurpandin bi çi astê bandorê li ser tendiristiya mirov dike, hate gotin parçeyên ji 130 mîkronî biçûktir bi rehetî dikarin raçîna mirov biguherînin.

Bandora li ser tendirustiyê

Profesorê ekolojiyê yê Zanîngeha East Angîla Alastaîr Grant diyar kir lêkolîneke teqez tune ku mîkro plastîk ziyanê didin tendiristiya mirovan.

Pisporên ku mohra xwe li ser lêkolîna li Kanadayê dana dibêjin a girîng ew e ku çi qas parçeyên plastîk digihin ser kezebê û mîdê. Pispor dibêjin tekane rêya kêmkirina van rîskan ew e ku mirov tiştên plastîkî zêde bi kar neyîne û hilberandina wê kêm bike. AMED

Dikarî Biecibînî