Geliyê Dîcleyê tune nekin

Parlamentera ewropî Julie Ward ji serokkomarê tirk Tayyip Erdogan re bi nameyekê fikarên xwe yên li ser Bendava Ilisû ya nêzî Germava Hezexê îfade kirin. Hikûmeta tirk dabû zanîn ku ji 10´ê hezîranê û pê ve ew ê avê li Bendava Ilisu bigewimîne û pê re jî Heskîf jî di navê de geliyê Dîcle bi temamî di bin avê de bihêle.

Înîsiyatîfa Parastina Heskîfê û Tevgera Ekolojiyê ya Mezopotamyayê li dijî vê yekê banga lezgîn a çalakiyan kiribû ji bo 7 û 8´ê hezîranê.

Parlamentera ewropî Julie Ward, endama Komîteya Çand û Perwerdeyê ye û bi vê sifetê xwe ji Tayyîp Erdogan re nivîsî. Di nameyê de wê got, “Weke çalakgereke çandî û endama Komîteya Çand û Perwerdeyê ez gelekî fikaran dikim ku pirraniya Heskîfê wê bê xirakirin. Heskîf mîrateyeke navneteweyî ye ku divê ji bo mirovahiyê hemûyî bê parastin.”

Ew wekî din îşaret bi encamên civakî û insanî jî dike û dibêje, bi vê projeyê tahlûke heye ku 80 hezar mirov ji cih û warên xwe bibin. Aliyê ekolojîk jî ji bîr nake û dibêje, li Iraqê û Tirkiyeyê wê sîstema ekolojîk a geliyê Dîcleyê, peravên wê û avzemên li Başûrê Iraqê jî xira bibe. Bi vê ew banga rawestandina gewimandina avê dike. LONDON

Dikarî Biecibînî