Dê okyanûs bibin rojeva sereke ya COP25

Şîlî ku wê îsal malovaniyê ji civîna bilind a avhewayê COP25 re bike diyar kir ku okyanûs dê rojeva bingehîn a civîna bilind be

Şîlî wê ji konferansa avhewayê ya Neteweyên Yekbûyî re ku îsal wê cara 25’an pêk were malovaniyê bike. Şîlî wê okyanûsan bixe rojeva civîna bilind ku gefeke mezin li ser okyanûsan heye.

Civîna bilind a avhewayê ya Neteweyên Yekbûyî (COP25) wê meha kanûnê li Şîlî ku welatekî Amerîkaya Başûr e pêk were. Şîlî li peravê Okyanûsa Pasîfîk e. Şîlî ku beşeke girîng a peravên xwe diparêze, hewl dide ku rewşa okyanûsan jî bixe rojeva hevdîtinên der barê avhewayê.

Li bajarê Bonn ê Almanyayê pêşhevdîtinên der barê avhewayê de didomin. Wezîra Hawirdorê Carolina Schmidt li pêşhevdîtinan de daxuyanî da û diyar kir ku divê rola okyanûsan a li dijî germahiya global baş bê fêmkirin.

Schmidt da zanîn ku ew civîna bilind a COP25’an her wiha weke ‘COP Şîn’ bi nav dikin û destnîşan kir ku parastina okyanûsan wê bibe yek ji rojevên bingehîn ên hevdîtinên der barê avhewayê de. Schmidt bi bîr xist ku okyanûs gaza karbondioksit (CO2) a ku rê li ber germahiya global vedike dimête û got ku ji ber vê yekê parastina okyanûsan divê bibe karê sereke. BONN

Dikarî Biecibînî