Li Amazonan talankirina xwezayê

Li gorî daneyên dawî yên li Brezilyayê li Daristanên Amazonan van 10 salên dawî qelandina daran pir zêde bûye

Li gorî çavdêriya Enstîtuya Lêkolînên Fezayê ya Netewî (INPE) ya Brezîlayayê qelandina daran a li Amazonan vê sala dawî pir zêde bûye. Tenê di navbera tebaxa 2018’an û tîrmeha 2019’an de qadeke bi 10 hezar û 100 kîlometra bi berfirehî û dirêjahiyê qada daristanî hatiye tunekirin.

Li gorî INPE’yê qelandina daristanan li Amazonan li gorî sala bihurî ji sedî 43’yê zêde bûye.

Li gorî INPE’yê li Amazonan li qadên ku gelên xwecih lê dijîn qada ku daristanî ya ku hatiye qelandin li gorî serdema beriya wê ji sedî 74,5 zêde bûye.

Li gorî hin daneyên 18’ê mijdarê hatine weşandin di navbera tebaxa 2018 û tîrmeha 2019’an de 9 hezar û 762 kîlometre qada bi dirêjî û firehiyê hatiye qelandin. Bi daxuyaniya dawî ev dane hate piştrastkirin.

Li Brezilyayê ji 2016’an ve bi bicihanîna polîtîkayên lîberal û hatine ser desthilatê ya lîderê rastgirê radîkal Bolsonaro qelandina daristanên Amazon zêde bû. Havînê jî li sedan cihî şewat çêbûbûn.

Li Amazona Brezilyayê 2008’an 12 hezar û 287 kîlometre qada bi dirêjî û berfirehiyê daristan hatibû qelandin. BREZÎLYA

Dikarî Biecibînî