Daristanên Amazonê tune dibin!

Daristanên Amazonê ku weke ‘Cegera Spî ya Cîhanê’ tên zanîn, roj bi roj tune dibin. Li gorî daneyên INPD’ê, rêjeya tunebûna qadên bi daristan ên çileya 2020’an, li gorî çileya 2019’an ji sedî 108 zêde bûne

Daristanên Amazon ên weke ‘Cegera Spî ya Cîhanê’ tê zanîn a ji sêyan du li Brazilyayê cih digire, di salên dawî de her diçe tune dibe. Li gorî encamên Enstîtûya Lêkolînê ya Fezayê ya Navneteweyî (INPD) ku dispêre daneyên fezayê, rêjeya tunebûna qadên daristan ên çileya 2020’ê li gorî çileya 2019’ê ji sedî 108 zêde bûye.

Li gorî vê di meha borî de 280 kîlometre qada daristanê tune bûye. Li gorî daneyên INPE’yê dema me li meha çileyê ya 4 salên dawî tînin beramberî hev, asta tunebûna qadên daristanê hê zêdetirin. Çileya 2017’an 58, çileya 2018’an 183 û çileya 2019’an jî 136 kîlometre qada daristanê tune bûne.

Piştî hilbijartina serok dewletê Jaîr Bolsonaro yê bi helwestên xwe yên nîjadperest û mijara guhertina avhewayê tê zanîn û şûnde qetlîama daristanên Amazonê hê zêdetir  bûye. Di sala 2018’an de bi giştî 4 hezar û 946 kîlometre daristan tune bûye, dema Bolsonaro hate ser erkê ya sala 2019’an bi giştî 9 hezar û 166 kîlometre qada daristanê tune bûye.

Li dijî Bolsonaro yên şewata ku di mehên havînê de li Amazonê pêk hatin û rê li ber ziyanên mezin vekirin, nerazîbûnên cidî hatin raberkirin. Bolsonaro sala borî dema serokê INPE Rîcardo Galvao asta şewata sala borî raxist ber çavan hewl dabû wî ji erkê bigire. BRASÎLÎA

Dikarî Biecibînî