Li Kato Jîrkayê bihar hêj di merhebayê de ye

Li herêma Çiyayê Kato Jîrka bihar hêj di kamlana xwe de ye. Li çiyayê ku berf hêj nû lê dihele, sosin û beybûn bi xemla xwe dîmenên efsûnî bi xwe re tînin

Çiyayê Kato Jîrka girêdayî navçeya Elkê ya Şirnexê ye û xwedî bilindahiyeke 2 hezar û 900 metreyan e. Erdnîgariya Çiyayê Kato Jîrka bi nav û deng e. Li gel Kato Jîrka, di heman rêzeçiyê de Kato Marûnîs jî li hêla Colemêrgê dimîne.

Niha li Çiyayê Kato Jîrka dem dema biharê ye. Li aliyekî berf dihele, li aliyekî ava cemidî û li hêla din jî hewayekî hûnik li herêmê serwer e. Ava ku ji keviyên berfê dixulxul e û diherike, li quntarên çiyê vediguhere gol û ger ên biçûk. Li derdoran van avan, sosin û beybûnên ku bi bêhna xweş li derdorê şîn bûne dîmenên balkêş û xweşik derdixe holê. Berfînên ku di nava belekiyên berfên de jî şîn bûne xweşikiya xwe dixin ber objektîfên me.

Bi germbûna hewa re, rojane bi sedan kes ji bo dîtina vê xweşikiyê diçin herêmê. Di dema gera li vê herêmê de her wiha welatî ji çiyê giha û pincaran kom dikin. Li hêla din jî koçer li herêmê pezê xwe diçêrînin.

Çavkanî: Mujdat Can / ŞIRNEX – MA

Dikarî Biecibînî