Li sêgoşeya Şirnex, Wan û Colemêrgê bihûşta veşarî: Feraşîn

Zozanên Feraşînê ku li sêgoşeya Wan, Şirnex û Colemêrgê ye, bi deşt û avên xwe, bi xwezaya xwe cihekî mîna bihûştê ye

Dema mirov behsa erdnîgariya sêgoşeya Şirnex, Wan û Colemêrgê dike, zozanên Feraşînê ku 2 hezar û 625 metre bilind e tê bîra mirov. Zozanên Feraşînê ya ku di sêgoşeya her sê bajaran de cih digire, bi xweşikiya xwezaya xwe tê zanîn.

Her sal bi germbûna hewayê re koçer diçin zozanên Feraşînê. Ava cemidî, kulîlkên bi rengên cur bi cur û fetlokên avê ku her dever bi rengê şînahiya biharê xemilîye, dibe sedema dîmenên xweşik. Keriyê pez ku ji hezaran mihan pêk tê li nav mêrgê ne.

Jinên koçer zarokên xwe kirine tûrên xwe û dane pişta xwe û diyar dikin ku ew li zozanan in. Ciwan li newalan masiyên ji ava cemidî digirin û xweşikiya xwe tev li xemla biharê dikin.

Wêne: Mujdan Can /ŞIRNEX-MA