Zehra Dogan ji bo Xelata Azadiya Îfadeyê wek namzet hat nîşandan

Rojnameger Zehra Dogan a ku ji 2’yê hezîrana 2017’an di girtîgehê de ye ji bo Xelata Azadiya Îfadeyê wek namzet hat nîşandan

Namzetên ji bo Xelatên Azadiya Îfadeyê ya ku her sal ji aliyê Saziya Azadiya Îfadeyê ya Navneteweyî ya Index on Censorshipê ve ji bo kesên ku li dijî sansûrê têdikoşin tê dayîn, hatin diyarkirin.

Di nav namzetên 2019’an de rojnameger û wênesaz Zehra Dogan ku ji 2’yê hezîrana 2017’an ve girtiye jî cih digire. Dogan di beşa hunerê de wek namzet hat nîşandan.

Tevî Dogan tevgera alîgir a ArtLords ku ji hunermend û dildarên Afganistanê pêk tê, ElMadina for Performing and Digital Arts ku li Misrê di qada hunera dîtbarî û bernameyên perwerdeyê dertên pêş û parêzvana mafên jinan a siûd Ms Saffaa ku niha li Awûstralyayê dijî jî di beşa hunerê de wek namzet hatin nîşandan.

Her wiha kesên ku xelatê werbigirin dê di galaya ku li Londona Îngilistanê pek were de bên diyarkirin. AMED

Dikarî Biecibînî