aram

Li Portekîzê li dijî tundiyê şîna neteweyî hat ragihandin

Li Portekîzê li dijî tundiya li ser jinê û jinên ku ji ber tundiyê hatine kuştin şîna neteweyî hat ragihandin û al heta nîvî hatin daxistin

Li Portekîzê, ji bo jinên bûne qurbanê tundiya di dema zewacê de, şîna neteweyî hate ragihandin. Di vê çarçoveyê de alên li ber avahiyên fermî heta nîvî hatin daxistin.

Serokwezîr Antonio Costa li ser hesabê xwe yê twîtterê daxuyaniyek da û wiha got: “Divê tundî bi dawî bibe. Ev yek ji bo civakê, ji bo her yekî ji me gefeke hevbeş nîşan dide. Bi liv û tevgerê mirov dikarin qurbaniyan bi bîr bînin.”

Hikûmeta sosyalîst, beriya 8’ê Adarê Roja Jinên Kedkar ên Cîhanê civîna xwe ya heftane nîvco hişt û deqeyek rêz girt.

Li gorî Saziya Çavdêriyê ya jinên hatin kuştin (UMAR) li Portekîzê sala 2018’an 2 jin ji aliyê hevser an jî hevserên xwe yên berê ve hatin kuştin.

Li gorî daneyên komeleya ku bang li jinan dike ku reş li xwe bikin, di navbera salên 2004-2018’an bi giştî 503 jin hatin kuştin.

Li gorî medyaya Portekîzê jî ji destpêka salê ve 12 jin hatine kuştin. LÎZBON