Parazvana mafê jinan hat kuştin

Parazvana mafê jinan û rojnameger Mîna Mangal li paytexta Kabîl a Afganîstanê di êrîşa çekdarî de hat kuştin

Li Afganîstanê jinek din a parazvanên mafên jinan û rojnameger li nava kolanê hat kuştin. Li herêma Mûhamme Şah Meyna ya Seyyîd Noor a weke Karte Naw tê zanîn a paytexta Kabîl a Afganîstanê, rojnameger, parazvana mafê jinan û şêwirmenda çandê ya beşa jêr a Parlamentoya Afganîstanê Mîna Mangal li gorî saeta herêmî saet 07.20’an de di êrîşek çekdarî de, hat  kuştin. Wezareta Karê Hûndir a Afganîstanê, derbarê bûyerê de daxuyanî da û aşkere kir ku Mîna Mangal ji singa xwe hatiye gule kirin û jiyana xwe ji dest daye.

Li gorî çavkaniyên nûçeyên Afganîstanê, êrîşkaran bi motosikletê li ser hev du caran gule li Mîna Mangal barindine û dûre ji cihê bûyerê reviyane. Xizmên Mîna Mangal a li cihê bûyerê jiyana xwe ji dest da, diyar kirin ku Mangal ji bo biçe ofîsa xwe ya cihê kar li benda wesayîtê rawestiye û di vê navberê de kesên biçek gule li Mangal barandin.

Hat destnîşan kirin ku polîsan ji bo ku êrîşkaran bigirin, dest bi lêpirsînê kirin. AMED

Dikarî Biecibînî