Jinên Qamişloyê ji bo dayikên laçik spî meşiyan

Bi sedan jinên Kantona Qamişloyê ji bo dayikên laçik spî daketin qadan û meş li darxistin

Bi pêşengtiya Kongreya Star, Meclisa Malbatên Şehîdan bi dirûşma ‘Em hemû dayik in dayikên laçikspî ne tenê ne’ bi sedan jinên ji sazî, rêxistinên civakî û gelê Kantona Qamişloyê ji bo silavkirina  dayikên berxwedêr ku zarokên wan di greva birçîbûnê de meş  li dar xistin. Meş ji qada Rojhilatê Qamişlo dest pê kir û heta çerxereya Sonî veguherî mîtîngê.

Piştî deqeyek rêzgirtina ji bo pakrewanên azadiyê, li ser navê Kongreya Star Mizgîn Ehmed axivî. Ehmed destpêka axaftina xwe de berxwedan dayikan silav kir û anî ziman ku dayik hunera jiyana azad in, ji ber wê dijmin ji dayikan ditirsin û wiha got: “Dewleta tirk û tevahî dewletên desthildar ji îradeya dayikan ditirsin.  Lê em dibêjin çi dikin bila bikin nikarin îradeya me bişikînin, ji ber zarokên me her roj li ber çavê me tên kuştin. Em ser bilind in ku zarokên van daykên berxwedêr in. Em ê jî xwedî li vê berxwedanê derkevin.”

Mizgîn Ehmed axaftina xwe wiha bi dawî kir: “Îro dayik û zarok xwe bi hev re berxwedanê dimeşînin, pêşeng jî Leyla Guven e. Leyla Guven berxwedêr, dayika têkoşer û şoreşger e. Em jî wek jinên bakur û rojhilatê Sûriyeyê xwedî li keda van dayikan derkevin û em ê êşa wan wekî êşa xwe bibînin û bikin yek. Em ê her roj di nav çalakiyan de bin, têkoşîna xwe bi hev re bidomînin heta bigihêjin armanca xwe.”

Her wiha meşa jinan bi dirûşma ‘Bijî berxwedana dayikan bijî berxwedana zindanan’ bi dawî bû. QAMIŞLO

Dikarî Biecibînî