Jinek bû seroka Ofîsa Cenevreyê ya NY’ê

Cara yekem e di dîroka ofîsa NY´yî ya Cenevreyê de ku jinek ji bo serokatiya wê tê peywirdarkirin

Li gorî daxuyaniya Sekreteriya Giştî ya NY’yê, Tatiana Valovaya ya rojnamevan a 61 salî û dîplomateke Rûsyayê ye, bûye Dîrektora Giştî ya Ofîsa Cenevreyê ya NY’yê.

Valovaya ya xwedî doktoraya aboriyê, kete şûna dîrektorê giştî Michael Moller ê Danîmarkayî. Beriya niha di navbera salên 1993 û 2011’î de endamên din ên Rûsyayê çêbûbûn û bûbûn serokê Ofîsê, lê belê cara yekem e jinek tê peywirdarkirin.

Rûsya zêde dibe DYA kêm

Tatiana Valovaya beriya niha jî heta sala 2012’an di Departmana Hevkariya Navneteweyî ya Rûsyayê de kar kiribû û herî dawî tevlî Komîsyona Aboriyê ya NY’yê bûbû.

Bi peywirdarkirina Valovayayê bandora Rûsyayê ya li Cenevreyê zêde bû û her ku diçe ya DYa’yê kêm dibe. Rêveberiya Washîngtonê, ji bo di asta NY’yê de mîsyona DYA’yê bimeşîne hê jî nûnerek nehatiye peywirdarkirin. Her wiha rêveberiya Trump, ji Konseya Mafê Mirovan a ku gotî “Gelek alîgir e” jî veqetiya. NEW YORK

Dikarî Biecibînî