Jiyana Şîrîn Elemhulî bû pirtûk

Navenda Nûçeyan

9 sal berê aktivîsta kurd Şîrîn Elemhulî li Îranê hat bi darvekirin. Du aktîvîst û nivîskarên jin jiyana Şîrîn Elemhulî kirin pirtûk

Şîrîn Elemhulî 9 sala berî di 9’ê Gulana 2010’an de li Girtîgeha Evîn a Tehrana Îranê ji aliyê rejîmê ve bi çend hevalên xwe re hate darvekirin.

Du aktîvîstên jin ên li Amerîkayê jiyana Şîrîn Elemhulî di pirtûkê de vegotin. Jiyana wê, pêkutî û îşkenceya li girtîgehê ya li hemberî wê di pirtûkê de cih girt.

Jinên ku bi Şîrîn re di girtîgehê de man çîroka Şîrîn vegotin. Nivîskara pirtûkê Merziye Emîrzade di pirtûkê de bal kişand ser hêzgirtina sekna Şîrîn û diyar kir ku li gel îşkenceya dijwar dîsa li ber xwe da û neaxivî. Nivîskar û aktîvîst Meryem Rustempîr di pirtûkê de destnîşan kir ku ji ber ku Şîrîn kurd bû û bi kurdî diaxivî, nehiştin ku parêzer û tercuman bên û ji ber vê Şîrîn parastina xwe nekarî bike.

Her du nivîskar bi îdîaya propagandaya xiristiyanî kirinê 9 meh li girtîgehê li cem Şîrîn man. Her du nivîskar daxwaz kirin ku di demek nêz de rejîma li Îranê biguhere. Her du nivîskar destnîşan kirin ku ambargoya aborî ya li ser Îranê tenê zirarê dide gelê Îranê ji ber ku malbatên ku rejîmê diparêzin li Îranê najîn û li welatên cuda jiyana xwe didominin.

Dikarî Biecibînî