Konferansa Ewlekariya Hundirîn a Jinên Bakur û Rojhilatê Sûriyeyê didome

Konferansa Ewlekiya Hundirîn a Jinên Bakur û Rojhilatê Sûriyeyê dest pê kir. Tê payîn ku dê rapora du salan a hêzên ewlekariyê bê nirxandin, rêzikname bê nîqaşkirin û logoya hêzên ewlekariyê bê destnîşankirin

Duyemîn Konferansa Ewlekariya Hundirîn a Jinên Bakur û Rojhilatê Sûriyeyê îro bi dirûşma ‘Rêxistinkirina Ewlekariya Hundirîn a Jin, Mîsogeriya Parastina Azadiya Jinên Bakur û Rojhilatê Sûriyeyê ye’, li Navenda Çand û Hunerê ya Aram Tîgran a Çand a Rimêlan a Qamişloyê dest pê kir. Di konferansê de ji hemû pêkhateyên bakur û rojhilatê Sûriyeyê zêdetirî 300 delege amade bûn. Di heman demê de şandeyek ji Rêveberiya Xweseriya Demokratîk, Tevgera Kongreya Star, sazî û dezgehên sivîl û Saziya Malbatên Şehîdan jî di konferansê de amade bûn. Konferans bi deqeyek rêzgirtinê dest pê kir.

Hola Konferansê bi wêneyên tekoşerên jin, Rêberê Gelê Kurd Abdullah Ocalan û bi pankertên bi nivîsên ‘Jina herî xweşik jina azad e’,’Bi hest û ramanên azad em ê ewlehiya civakê pêk bînin’ û  ‘Tundiya li dijî jinê kuştina nirxên civakê ye em ê nirxê xwe biparêzin’ hatibû xemilandin.

Tê payîn ku dê di konferansê de li ser navê Desteya Hundirîn ya Ewlekariyê, Kongreya Star û hikûmetê dê axaftin werin kirin. Piştre jî dê dîwana ji 3 heta 5 kesan pêk tê dê bê hilbijartin. Piştre jî dê li ser xebatên Hêzên Ewlekariya Hundirîn a Jinên Bakur û Rojhilatê Sûriyeyê sînevîzyonek bê pêşkeşkirin, dê perspektîfên Ocalan bên xwendin, rapora du salan dê were xwendin û nîqaşkirin, rêziknameya Ewlekariya Hundirîn a Jinên Bakur û Rojhilatê Sûriyeyê dê were xwendin û nîqaşkirin û herî dawî jî dê ji bo destnîşankirina logoyê biryar bê dayîn.

Konferans bi axaftinan didome. QAMIŞLO

Dikarî Biecibînî