aram

Polîsan çalakiya TJA’yê asteng kir

Civîna TJA’yê ya ji bo şahî û çalakiyên 6 mehan ên ku dê bi şîara ‘Ji bo azadî û guherînê tu jî rabe ser pêyan’ bê lidarxistin, ji aliyê polîsan ve hat astengkirin

Polîsan, çalakiya Tevgera Jinên Azad (TJA) a ku dixwest bi şîara ‘Ji bo azadî û guherînê tu jî rabe ser pêyan’ li Navenda Çandê ya Nûda ya li navçeya Rêya Armûşê ya Wanê li dar bixe, asteng kir. Polisên Hêzên Çevîk bi TOMA û maşîneyên zirxî Navenda Çandê ya Nûda dorpêç kirin û bi hinceta biryara walîtiyê destûr nedan çalakî bê lidarxistin. Polîsên sîvîl jî dîmen kişandina rojnamegeran asteng kirin û rojnamegeran di Lêgerîna Agahiyên Giştî (GBT) re derbas kirin. Piştî vê lêgerînê polîsan rojnamegeran ji cihê bûyerê dûrxistin û destûr nedan ku dîmen bigirin.

Piştî ku çalakiya li Navenda Çandê ya Nûda hat astengkirin, jinan pankarta li ser nivîsa ‘Jin jiyan azadî’ nivîsandibû vekirin û ber bi Bînaya Bajar a Partiya Demokratîk a Gelan (HDP) ve meşiyan. Jinan di meşê de dirûşama ‘Destê ku dirêjî jinê bibe ew dest bişikê’ berz kirin.  WAN

Dikarî Biecibînî