Li Meksîkayê jin li dijî polîsên tecawizkar daketin qadan

Navenda Nûçeyan

Li Meksîkayê ji destpêka meha tebaxê ve li dijî bûyera tecawizê ku polîs tev li bûn, bi hezaran jin daketin kolanan. Jinên ku li dijî tecwizê çalakî lidar xistin qatê duduyan a qereqolekê dan ber agir

Li Meksîkayê li dijî bûyerên tecwizê ku ev hefteyek e polîs jî tev li dibin, jin daketin kolanan û çalakî li dar xistin. Li navenda paytext Mexîcoyê bi sedan jin di 16’ê tebaxê roja înê êvarê kom bûn.

Jinên ku çalakî li dar xistin termînaleke polîsan texrîb kirin û piştre qereqoleke polîsan kirin hedef û qatê wê yê duduyan dan ber agir. Ji ber ku polîs jinan tacîz û tecawiz dike, jinan di 12’yê tebaxê de jî çalakî lidar xistibûn. Di serê meha tebaxê de jineke ciwan a 17 salî diyar kiribû ku li bajarê Azcapotzaloyê çar polîsan tecawizî wê kirine. Di roja dîtir de jî jineke ciwan a 16 salî diyar kiribû ku li muzeyê polîsekî tecawizê wê kiriye. Ji ber ku derbarê polîsên tecawizkar tu lêpirsîn nehate destpêkirin çalakiyên jinan didomin.

Jinên ku bêdengiya li hemberî tecawizê şermezar kirin û dirûşmên  ‘Me naparêzin, tecawizî me dikin ‘ berz kirin.

Li gorî daneyên NY’ê li Meksîkayê her roj 9 jin tên kuştin. Sûcên zayendî jî gelekên wan nayên qeydkirin, ji ber ku jin dibêjin em bi polîsan bawer nabin serlêdana sûc nakin.

Li Îngilistanê û li Gallerê di du salên dawîn de bi giştî 60 bûyerên tecawizê ji polîsan re hatin ragihandin. Li Meksîkayê tenê di salekê de li gorî qeyda polîsan 9 hezar bûyerên tecawizê hatine jiyîn

Dikarî Biecibînî