Bi mijara penceşêra memikan li Qamişlo semîner hat lidarxistin

Heyva Sor a Kurd û Weqfa Jinên Azad a Rojava bi mijara penceşêra memikan semînerek li Qamişlo semînerek li dar xist. Di semînerê de hat destnîşankirin ku dê xebatên bi vî rengî bidomin

Weqfa Jinên Azad a Rojava û Heyva Sor a Kurd, di çarçoveya pêngava xwe de dest bi xebatên hişyariya parastina ji penceşêra memikan kir. Di çarçoveya xebatan de îro hem belavok hatin belavkirin û hem jî li Qamişlo semînerek hat lidarxistin.

Bi beşdarbûna bi dehan endamên Weqfa Jinên Azad, Heyva Sor a Kurd û jinên bajarê Qamişloyê semîner dest pê kir. Xebat dê heta dawiya meha cotmehê bidome. Tê armanckirin ku hişyarî û zanebûnê nexweşiya penceşêra memikan li her derê bê berdevamkirin.

Hevseroka Heyva Sor a Kurd Cemîla Hemê û rêvebera Beşa Tendrûstiyê ya Weqfa Jinên Azad Şîlan Belo di semînerê de axivîn û gotin: “Xebata me ji bo hişyarkirina mijarê ye. Em dixwazin ev nexweşî di demekî herî zû de bê zanîn. Ji ber ku çiqas zû bê zanîn, pêşîlêgirtina wê jî ewqas zûtir dibe.”

Hemşîre Şehnaz Mûsilî jî li ser nexweşiya penceşêra memikan axivî û diyar kir ku divê jin her meh ji bo kontrolê biçin nexweşxaneyê. Semîner bi pirs û bersivan bi dawî bû. QAMIŞLO

Dikarî Biecibînî