Jinan ‘Daristana Jiyanê ya Jinan’ ava kirin

Bi pêşengiya Şaredariya Sûrê jinan bi minasebeta 25’ê Mijdarê dar çandin. Dema dar çandin, Ruşen Tayfun diyar kir ku di salekê de 392 jin hatin qetilkirin û got ku her şitlek nîşaneya jiyana wan jinan e

Şaredariya Sûrê ya Amedê bi minasebeta 25’ê Mijdarê Roja Têkoşînan Navneteweyî ya li Dijî Tundiya li Ser Jinan dar çandin. Nûnerên Komeleya Jinan a Rozayê, Tevgera Jinên Azad (TJA) û endamên Meclisa Jinan a Şaredariya Sûrê li gundê Tileloyê yê girêdayî navçeya Sûrê bi hevre dar çandin. Jinan şitlên darên ku çandin bi qurdeleyên xemrî girêdan û navê ‘Daristana Jiyanê ya Jinan’ li qadê kirin. Di çalakiyê de endama Meclisa Şaredariya Sûrê Ruşen Tayfûn axivî û sedema çalakiyê vegot.

Tayfûn anî ziman ku dê serhildana xwe ya li dijî qetlîaman biçînin û nîşana wê jî 392 şitlên ku çandin in û wiha got: “Di çarçoveya çalakiyên 25’ê Mijdarê de çalekiyên jinan berdewam dikin. Me jî di wê dar çandin. Li gorî daneyên Platforma Em ê Kuştinên Jinan Rawestînin,  ji 25’ê Mijdara 2018’an heta îro 390 jin ji aliyê mêran ve hatine qetilkirin. Me weke nîşane li gundê Tileloyê qadek ji bo ‘Daristana Jiyanê ya Jinan’ veqetand û armanca me ew e ku weke nîşane bi 390 şitlan em jinên hatine qetilkin bidin jiyîn. Em ê li hember tundiyê li her qadê têkoşîna xwe berdewam bikin û têkoşîna xwe bêtir bikin.”  AMED

Dikarî Biecibînî