‘Di salekê de 305 jin hatin qetilkirin’

Meclisa Jinan a HDP’ê diyar kir ku di binpêkirina mafan de herî zêde mafê jinan û zarokan hatiye binpêkirin û di salekê de 305 jin hatine qetilkirin û tundî li 556 jinan hatiye kirin

Meclisa Jinan a HDP’a Amedê bi wesîleya Hefteya Mafên Mirovan li ber avahiya HDP’ê ya navçeya Yenîşehîrê daxuyanî dan çapemeniyê. Parlamentera HDP’ê ya Amedê Remziye Tosûn û Hevseroka HDP’a Amedê Hulya Alokmen Uyanik û gelek jin beşdarî daxuyaniyê bûn. Di daxuyaniyê de ewilî Hevseroka HDP’ê Alokmen Uyanik axivî û balê kişand ser binpêkirina mafên jinan û zarokan.

Parlamenter Tosun daxuyanî xwend û da zanîn ku ew bi boneya hefteya mafên mirovan hatine gel hev û tevî 70 sal bi ser ragihandina danezana mafên mirovan re derbas bû jî lê di vê qonaxa ew gihîştinê krîzên mezin diqewimin. Tosun got ku mafê jiyanê tê desteserkirin û herî zêde mafên jin û zarokan tên binpêkirin.

Tosûn da zanîn ku di 11 mehên 2019’an de 305 jin ji ber tundiya zilaman hatin kuştin û herî kêm 46 jin hatine tecawizkirin, 204 jin hatine tacîzkirin û tundî li 556 hatiye kirin.

Her wiha Tosûn got ku li gorî daneyên fermî tundî bi deh hezaran jin hatiye kirin û hejmara jinên ji ber tundiyê jiyana xwe ji dest dane zêdetir in û diyar kir ku mirov bi mafên xwe mirov in û ew ê dest ji têkoşîna parastina mafên mirovan bernedin. AMED

Dikarî Biecibînî