Kongreya Star bernameya 8’ê Adarê aşkera kir

Rêxistina Kongreya Star a Rojava bernameya 8'ê Adarê aşkera kir

Rêxistina Kongreya Star a Rojava bernameya 8’ê Adarê Roja Jinê ya Cîhanê bi dirûşma ‘Têkoşîna me azadî ye, berxwedana me serkeftin e’ dê çalakiyên xwe li dar bixin. Çalakiyên ku bên lidarxistin dê ji 1’ê Adarê dest pê bike heta 8’ê Adarê dewam bike. Her wiha weke sembol ew ê kefiyên YPJ’ê bên dayîn.

Bernameya 8’ê Adarê wiha ye:

-Di 1’ê adarê de, wê daxuyanî li kampên Waşûkanî, Til Semin û Kantona Şehbayê werin dayîn. Her wiha di heman rojê de mîhrîcana Jinên Rewşenbîr li herêma Cizîrê were lidarxistin.

-Di 2 û 3’yê adarê de li seranserî bakur û rojhilatê Sûriyeyê  dê civîn werin lidarxistin û di civînê de sînevîzyon û kurtefilîmek li ser jinên Reqqayê were temaşekirin.

-Di 4’ê adarê de wê serdana Gundê Jinwar were kirin û li wir bernameyek taybet bi rêveber û jinan re were amadekirin. Her wiha li hemû qadan meşa meşaleyî were lidarixistin.

-Di 5’ê adarê de wê panelek li ser rewşa jinê ya di nava aloziya Sûriyeyê de, li herêma Cizîrê were lidarxistin. Di heman rojê de li hemû qadan serdana goristanên şehîdan werin kirin.

-Di 6’ê adarê de bi pêşengtiya Tevgera Kevana Zêrîn a herêma Cizîrê hemû pêkhate çanda xwe ya herêmî pêşkêş bikin.

-Di 7’ê adarê de wê serdana birîndarên şer, YPJ’ê û di heman rojê de cihên dîrokî werin kirin.

-Di 8’ê Adarê de li kantonan ew ê mîtîng û şahî werin lidarxistin. QAMIŞLO

Dikarî Biecibînî