Jinên Dêrikê bi boneya 8`ê Adarê dar çandin

Di çarçoveya çalakiyên 8’ê Adarê endamên Kongreya Star a bajarê Dêrikê 100 dar li gulistana 4`ê Nîsanê çandin

Bi boneya 8`ê Adarê Roja Jinan a Cîhanê re, bi dehan endamên Kongreya Star û nûnerên saziyên civaka sivîl a bajarê Dêrikê li Gulistana 4’ê Nîsanê ya li taxa Şehîd Xebat 100 şitlên daran çandin.

Beriya çandina daran yek ji rêveberên Komîteya Aboriyê ya Dêrikê Wefa 8’ê Adarê li tevahî jinan pîroz kir û wiha got: “Di dîrokê de û di hemû şoreşan de, jinan li ber xwe dane û zordestî qebûl nekirine ku gihîştin vê qonaxa pîroz û gelek destkeftî bi dest xistin.”

Wefa destnîşan kir ku wek jinên bakur û rojhilatê Sûriyeyê dê berxwedana xwe heta rizgarkirina Ocalan dewam bikin û dê li hemberî kiryarên li Îmraliyê pêk tên, destgirêdayî nemînin û her wiha daxwaza aşkerakirina rewş û tenduristiya Ocalan kir.

Piştre di nav dirûşmên silavkirina berxwedana Îmraliyê û berxwedana jinan de, 100 dar li gulistanê hatin çandin. QAMIŞLO

Dikarî Biecibînî