Amed ji bo mîtînga 8’ê Adarê amade ye

Li Amedê sibê dê sazî û rêxistinên jinan mîtînga 8’ê Adarê li dar bixin. Amadekariyên mîtîngê ber bi dawiyê ve diçe û jin ji bo mîtîngê hatin vexwendin

Tevgera Jinên Azad (TJA) û Meclisa Jinan a HDP’ê ya Amedê sibê bi boneya 8’ê Adarê Roja Jinan a Cîhanê li Meydana Îstasyonê mîtîng li dar dixin. Jin bi dirûşma ‘Jin berxwedanê birêxistin dikin  ber bi azadiyê ve dimeşin’ li dar dixin û saet dê di navbera 11.00 û 16.00’an de pêk were. Hevseroka HDP’ê Pervîn Bûldan û Berdevka Meclisa Jinan a HDP’ê Ayşe Acar Başaran wek axaftvan beşdarî mîtîngê bibin.

Tê payîn ku bi hezaran jin beşdarî mîtîngê bibin û amadekariyên mîtîngê jî ber bi dawiyê ve diçin. Ji bo mîtîngê li gelek deverên bajêr pankart hatine daliqandin. Hefteyek e jin li navenda Amed û navçeyên wê xebata mîtîngê birêve dibin û bang li jinan hat kirin ku beşdarî mîtîngê bibin.

Bang kirin

Hevseroka Rêxistina DBP’ê ya Navçeya Rezanê Hasret Akay banga beşdariya mîtîngê li jinan kir.

Hevseroka Rêxistina HDP’ê ya Navçeya Rezanê Fatma Kavmaz jî ji bo mîtîng qelebalix pêk were banga beşdariyê li jinên Amedê kir. AMED

Dikarî Biecibînî