Li Rojava pîrozbahiyên 8’ê Adarê dest pê kirin

Li seranserî bajarê rojavayê Kurdistanê şahiyên 8’ê Adarê Roja Jinan a Cîhanê bi dirûşma ‘Têkoşîna me azadî ye, berxwedana me serkeftin e’ dest pê kir

Navenda Nûçeyan |

Îro 8’ê Adarê Roja Jinan a Cîhanê ye. Tevahî jinên cîhanê vê rojê bi rêbazên cihêreng pîroz dikin. Li herêmên rojavayê Kurdistanê û bakurê Sûriyeyê jî şahî bi dirûşma ‘Têkoşîna me azadî ye, berxwedana me serkeftin e’ dest pê kirin.

Li gorî bernameya komîteya amadekar, çalakiyên 8’ê Adarê wiha ne:

Şahiya pîrozbahiyê ya li Qamişlo îro saet di 10.00’an de li herêma Mizgeftê ya bakurê navçeya Tirbespiyeyê dest pê kir. Di heman saetê de şahiya 8’ê Adarê ya kantona Hesekê jî li bajarokê Til Bêder ê li ser rêya Dirbêsiyeyê dest pê kir. Di heman saetê de li Minbic û gundewarên wê, li gundê Meret Mislimiyê ya navçeya Ehdas a Şehbayê, û li taxên Şêxmeqsûd û Eşrefiyê yên Helebê jî şahiyên 8’ê Adarê dest pê kirin.

Pîrozbahiya 8’ê Adarê ya li Reqayê saet di 11.00’an de li tîma 17’an û jinên kantona Kobanê jî dê pîrozbahiya xwe saet di 12.00’an de li Qada Jinan a Azad a bajarê Kobanê dest pê bikin.

Dikarî Biecibînî