Li Girtîgeha Urmiyeyê 200 girtiyên jin dest bi greva birçîbûnê kirin

Li Girtîgeha Navendî ya Urmiyeyê 200 girtiyên jin ji ber ku tevî vîrûsa koronayê jî nehatine berdan, dest bi çalakiya greva birçîbûnê kirin. Jinan diyar kir ku heta ku daxwazên wan pêk tên jî dê çalakiya xwe bidomînin

Navenda Nûçeyan |

Navenda Mafên Mirovan bi daxuyaniyekê regaihdn ku li Girtîgeha Navendî ya Urmiyeyê ya Rojhilatê Kurdistanê, 200 girtiyên jin dest bi greva birçîbûnê kirin. Navendê destnîşan kir ku girtiyên jin li dijî rewşa heyî û metirsiya belavbûna vîrûsa koronayê, duh dest bi gireva birçîbûnê kirine.

Navendê destnîşan kir ku jinan gotiye ku di şert û mercên heyî de nikarin li hemberî vîrûsa koronayê hewcehiyên xwe yên tenduristiyê bi cih bînin û xwestin ku bi demkî bên berdan.

Diyar bû ku girtiyên jin ên ku dest bi grêva birçîbûnê kirin, duh xwarina xwe ya nîvro rijandine û diyar kirine ku heke ew neyên berdan dê çalakiya xwe bidomînin.

Dikarî Biecibînî