Rejîma Îranê Zeynep Celaliyan veguhest cihekî nediyar

Tora Mafên Mirovan a Kurdistanê da zanîn ku hêzên rejîma Îranê di 28’ê nîsanê de bi awayeke veşartî girtiya siyasî Zeyneb Celaliyan veguhestiye cihekî nediyar

Navenda Nûçeyan |

Hêzên rejîma Girtiya siyasî Zeyneb Celaliyan ku ev 13 sale li girtîgeha bajarê Xoyê girtiye, ji aliyê hêzên ewlekariya rejîma Îranê ve bir veguji cihekî nediyar re hatiye veguhestin.

Tora Mafên Mirovan a Kurdistanê da zanîn ku girtiya siyasî Zeyneb Celaliyan ku cezayê muebbetê lê hatiye birîn, di 28’ê nîsanê de ji aliyê hêzên rejîma Îranê ve ji cihekî nediyar re hatiye veguhestin. Torê diyar kir ku Celaliyan ku ev 13 sal in girtî ye jinişkan ve hatiye veguhestin.

Bi domdarî jî torê destnîşan kir ku li gorî çavkaniyên pêbawer, hêzên ewlekariyê ketin nava girtîgehê û bêyî ku hincetekî diyar nîşan bidin Celaliyan bi xwe re birine. Malbata Celaliyan piştî ku ji rewşê haydar bûy, serî li girtîgeha Xoyê da û berpirsên girtîgehê bersiva; ‘Dibe ku der barê wê de dozeke din hatibe vekirin û ji bo lêpirsînê biribin girtîgeheke Tehranê.’

Torê jî daxuyand ku li gorî çavkaniyên pêbawer, di tîrmeha 2019’an de şandeyek ji mufetîşên rêxistina girtiyan çûne girtîgeha Xoyê û serdana qawîşên jinan kirine. Çavkaniyê got ku yek ji endamên şandeyê ji Celaliyan re gotiye ku heta nameyekî ya têde diyar bike ku ji karên kirî poşman bûye,  dê ji hemû mafên girtiyekî bêpar bimîne. Celaliyan jî ev daxwaz red kiriye.

Dikarî Biecibînî