Jinên Reqayê binpêkirinên dewleta tirk û çeteyên wê şermezar kirin

Jinên Reqayê bi daxuyaniyekê binpêkirinên dewleta tirk û çeteyên wê yên li herêmên dagirkirî yên Bakur û Rojhilatê Sûriyeyê şermezar kirin

Dewleta tirk a dagirker û çeteyên wan binpêkirinên xwe yên li Bakur û Rojhilatê Sûriyeyê bênavber didomînin. Çeteyên ku sivîlan hedef digirin, di serî de li Efrînê û li gelek cihên dibin dagirkeriya wan de hemû êrîşên qirêj dikin.

Jinên Reqayê jî têkildarî binpêkirinên hêzên dagirker ên li herêma Efrînê daxuyaniyek dan. Daxuyanî ji aliyê endama Rêveberiya Jin a Reqayê Sewsen Hico ve hate xwendin. Di daxuyaniyê de Hico destnîşan kir ku ji ber bêdengiya li hemberî van sûcên li dijî mirovahiyê, raya giştî ya navneteweyî jî hevkarê van sûcan e.

Hico sûcên çeteyan rêz kir, sûcên li dijî jinên Efrînê tê pêkanîn bi şêweyeke tund şermezar kir. Hico bang li raya giştî ya navneteweyî jî kir ku bi erka xwe rabin. Hico got ku divê raya giştî ya cîhanê zextê li dewleta tirk û çeteyên wê bike da ku dawî li van sûcên xwe bînin. REQA

Dikarî Biecibînî