Hejmara 183’yemîn a Newaya Jin derket

Hejmara 183’yemîn a rojnameya Newaya Jin bi manşeta ‘Desthilatdariya nebaşiyê li ser kar e’ hate weşandin

Navenda Nûçeyan |

Rojnameyê Newaya Jin hejmara xwe ya 183’yemîn bi manşeta ‘Desthilatdariya nebaşiyê li ser kar e’ weşand. Rojnameyê têkildarî êrîşên li ser goristanan cih da hevpeyvîna rojnamevan nişmiye Guler a bi hevseroka Komeleya Mafên Mirovan (ÎHD) Eren Keskîn re. Keskîn diyar kir ku êrîşên bi vî rengî nû nînin, dûrî peymanên navneteweyî ne û got: “Desthilatdariya nebaşiyê li ser kar e.”

Endama Konseya Rêveber a KJK’ê Rojda Sîverek û Gulistan Çiya Îke jî li ser pêşengên Tevgera Jinên Kurd nivîsandin û bal kişandin ser rastiya Zîlan. Ronî Eylem jî der barê Gulistan Doku ya ku ji 5’ê çileyê ve li Dêrsimê hatiye windakirin nivîsî û bi bîr xist ku li Tirkiyeyê faşîzm li her qadê ye.

Nivîskar Denîz Bîlgîn jî bal kişand ser ‘şerê bi xwezayê’ re. Aktîvîst Zeynep Dêrsim û rojnamevan Rojbîn Denîz jî li ser pêwîstiya bi yekitiya neteweyî û provokasyona li Zînî Wertê nivîsandin.

Di hejmara meha hezîranê ya rojnameyê de nivîsên Munewer Azîzoglû Bazan a li ser aboriya jinê, Roza Metîna ya li ser destanên kurdan, nasandina Navenda Jinê ya Rosara ku di adara 2020’an de li Zurîchê hate avakirin hene. Di hejmara nû de nivîsên bîranînê yên gerîla yên bi kurdî û tirkî jî hene.

Hejmara nû ya rojnameyê li ser malpera newayajin.net’ê dikare bê peydakirin.

Dikarî Biecibînî