Ji bo meşa 2 rojan banga tevlibûnê

Sîwana Meclisa Jinên Êzidî bi daxuyaniyeke nivîskî ji bo meşa du rojan a 17 û 18'ê tîrmehê pêk bê, banga tevlibûnê kir

Navenda Nûçeyan |

Sîwana Meclisa Jinên Êzidî (SMJÊ) bi daxuyaniyekê bal kişand ser êrîşên ku li dijî nirxên mirovahiyê li Şengalê û tevahiya Kurdistanê tê kirin û diyar kir ku bi van êrîşan tê xwestin, vîna rêxistinkirî ya jinê bê şikandin.

Di daxuyaniyê de hate diyar kirin ku dewleta tirk a dagirker bi taybetî bi fermana 2014’an vir ve bi rêbazên cuda qirkirina jinên û gelan bi taybetî yên kêmolan ên mîna êzidiyan ferz dike û wiha hate gotin: “Di esasa xwe de çawa çeteyên DAIŞ’ê bi pêşengtiya têkoşîna jinê hate têk birin, tirsa dewleta tirk a dagirker jî ew e ku bi vegera welatiyên êzidî ya li xaka pîroz, konsepta wan a ji nû ve zindîkirina faşîzma osmaniyan bê têkbirin.”

Di daxuyaniyê de hate ragihandin ku ew bi biryar in bi têkoşîna xwe, bikin ku çeteyên DAIŞ’ê û dewleta tirk a dagirker li dadgeheke navneteweyî ji ber sûcên şer darizîne û dawî li şerê qirkirin û mêtingeriyê bînin.

Meclisê di vê çarçoveyê de bal kişand ser meşa 2 rojan a bi pêşengiya Meclisa Şengalê ya Derveyî Welat bê lidarxistin û ev bang kir: “Bi navê Sîwana Meclisa Jinên Êzidî ku yekane nûnera jinên êzidî ya dervayê welat e, em bang li tevahî jin û ciwanan dikin, tev li meşa du rojan a ku ji Celle heyanî Hannoverê di 17 û 18’ê tirmehê pêk tê, bibin. Divê em ji her demê bêhtir xwedî li welatiyên xwe ku vedigerin ser axa pîroz û nirxên olî û çandî diparêzin di warê manewî û maddî de derkevin.

Ev çalakî mîna meşa berxwedaniyê ya li dijî faşîzma dewleta tirk tê esas girtin. Em ê bi vê meşê bêdengiya raya giştî, di serî de hikûmeta Almanyayê û NY’yê bişikînin û ji bo statuya Şengalê ku bi tenê bi azadiya jinên êzidî mîsoger dibe, têkoşîna xwe bilind bikin.”

Dikarî Biecibînî